Aadhar: ఆధార్ కోసం గంటల కొద్ది క్యూల్లో నిలబడొద్దు.. ఆన్లైన్లో అపాయింట్ బుక్ చేసుకోండిలా
- Raju Shaik
- Jan 4, 2021
- 1 min read
ఆధార్ కార్డుకు సంబంధించి సేవలు పొందాలనుకునే వారు పోస్టాఫీసులు, బ్యాంకుల వద్ద భారీ క్యూల్లో నిలబడాల్సిన అవసరం లేకుండా.. ఆధార్ సేవా కేంద్రాల ద్వారా సులభంగా పని పూర్తి చేసుకోవచ్చు. ఆన్లైన్లో అపాయింట్ ఎలా బుక్ చేసుకోవాలంటే..
ఆధార్ కార్డు కొత్తగా తీసుకోవాలన్నా.. ఏవైనా మార్పులు, చేర్పులు చేసుకోవాన్నా మీరు పోస్టాఫీసులు, బ్యాంకులు, కార్యాలయాల వద్ద గంటల కొద్ది క్యూలో నిలబడాల్సిన అవసరం లేదు. కేవలం ఆధార్ కోసం ప్రత్యేకంగా ఆధార్ సేవ కేంద్రాలను ప్రభుత్వం ఏర్పాటు చేసింది. అచ్చం పాస్పోర్టుకు అపాయింట్మెంట్ బుక్ చేసుకున్నట్టే ఆధార్ కోసమూ ఈ కేంద్రాల్లో టైమ్ను బుక్ చేసుకోవచ్చు. దీనిపై సోషల్ మీడియాలో చాలా మంది హర్షం వ్యక్తం చేస్తున్నారు. అలాంటి ట్వీట్లను ది యునీక్ ఐడెంటిఫికేషన్ అథారిటీ ఆఫ్ ఇండియా (యూఐడీఏఐ) రీట్వీట్ చేస్తోంది.
అలాగే ఎంతో ఉపయోగకరంగా ఉన్న ఆధార్ సేవా కేంద్ర ఆన్లైన్ అపాయింట్మెంట్ విధానాన్ని వినియోగించుకోవాలని ప్రజలకు కొందరు ట్విట్టర్ యూజర్లు సూచిస్తున్నారు. టోకెన్ల విధానంతో సేవా కేంద్రాల నిర్వహణ అద్భుతంగా ఉంటోందని, కేవలం 20 నిమిషాల్లోనే తన ఆధార్ పని ఎంతో ప్రశాంతంగా అయిపోయిందని ఓ ట్విట్టర్ యూజర్ తెలిపారు. ఈ ట్వీట్కు విశేష స్పందన లభించింది.
ఆన్లైన్లో ఆధార్ సేవా కేంద్ర అపాయింట్మెంట్ బుక్ చేసుకోండిలా..
అపాయింట్మెంట్ బుక్ చేసుకోవాలంటే, ముందుగా uidai.gov.in వెబ్సైట్కు వెళ్లాలి.
అక్కడి నుంచి "My Aadhaar" డ్రాప్ డౌన్ మెనూ ఆర్షన్లోకి వెళ్లి "Book an Appointment" పై క్లిక్ చేయాలి.
అక్కడ డ్రాప్ డౌన్ మెనూలో నగరం, లొకేషన్ను ఎంచుకోవాలి. ఆ తర్వాత “ప్రొసీడ్ టు బుక్ అపాయింట్మెంట్”పై క్లిక్ చేయాలి
అక్కడ ఫోన్ నంబర్ను ఎంటర్ చేసి.. వెరెఫికేషన్ కోసం ఫోన్కు వచ్చే ఓటీపీని సమర్పించాలి.
ఆ తర్వాత ఆధార్ వివరాలు, వ్యక్తిగత సమాచారం సబ్మిట్ చేయాలి.
ఆ తర్వాత మనకు అనువైన సమయంలో ఆధార్ సేవ కేంద్రానికి వెళ్లేందుకు టైమ్ను ఎంపిక చేసుకోవాలి.
అప్పుడు ఓ అపాయింట్మెంట్ నంబర్ వస్తుంది.
ఆధార్ సేవ కేంద్ర కూడా పాస్పోర్ట్ కేంద్ర లాంటిదే. అక్కడ టోకెట్ సిస్టం ఉంటుంది. ముందుగా టోకెన్ తీసుకొని డాక్యుమెంట్లను చెక్ చేయించుకోవాలి. ఆ తర్వాత క్యాష్ కౌంటర్కు వెళ్లి సేవకు తగిన డబ్బును చెల్లించాలి.
ఆ తర్వాత మీకు కేటాయించిన వర్క్ ఆపరేటర్ కౌంటర్ దగ్గర టోకెన్ నంబర్లు ప్రదర్శిస్తారు. మీ టోకెన్ సంఖ్య వచ్చినప్పుడు ఆపరేటర్ దగ్గరికి వెళ్లాలి.
ప్రస్తుతం ఆధార్ కేంద్రాలు అందిస్తున్న సేవలు
కొత్తగా ఆధార్ నమోదు
పేరు మార్పు, అడ్రస్, మొబైల్ నంబర్, ఈమెయిల్ ఐడీ, డేట్ ఆఫ్ బర్త్ మార్పు, బయో మెట్రిక్ (ఫొటో, ఫింగర్ప్రింట్, ఐరిస్) నమోదు, మార్పులు.
Comments