కొత్త ఫోన్ కొంటున్నారా? రూ.15,000 లోపు బెస్ట్ 10 స్మార్ట్‌ఫోన్స్ ఇవే...

Smartphone Under Rs 15,000 | మీరు కొత్త స్మార్ట్‌ఫోన్ కొనాలనుకుంటున్నారా? మీ బడ్జెట్ రూ.15,000 లోపేనా? రూ.15,000 లోపు ప్రస్తుతం మార్కెట్‌లో ఉన్న బెస్ట్ స్మార్ట్‌ఫోన్స్ ఇవే.

Realme Narzo 20 Pro

రియల్‌మీ నార్జో 20 ప్రో 6జీబీ+64జీబీ వేరియంట్ ధర రూ.14,999. రియల్‌మీ నార్జో 20 ప్రో స్పెసిఫికేషన్స్ చూస్తే 6.5 అంగుళాల ఫుల్ హెచ్‌డీ+, 90Hz అల్ట్రా స్మూత్ డిస్‌ప్లే ఉంది. 6జీబీ+64జీబీ, 8జీబీ+128జీబీ వేరియంట్‌లో రిలీజైంది. మీడియాటెక్ హీలియో జీ95 ప్రాసెసర్‌తో పనిచేస్తుంది. రియర్ కెమెరా 48+8+2+2 మెగాపిక్సెల్ కాగా, ఫ్రంట్ కెమెరా 16 మెగాపిక్సెల్.

రియల్‌మీ నార్జో 20 ప్రో బ్యాటరీ 4500ఎంఏహెచ్ బ్యాటరీ. 65వాట్ ఫాస్ట్ ఛార్జ్ సపోర్ట్ చేస్తుంది. కేవలం 38 నిమిషాల్లో 100 శాతం ఛార్జింగ్ చేయొచ్చు. రియల్‌మీ నార్జో 20 ప్రో వైట్ నైట్, బ్లాక్ నిన్జా కలర్స్‌లో లభిస్తుంది.

Poco X3

పోకో ఎక్స్‌3 స్మార్ట్‌ఫోన్ ధర భారీగా తగ్గింది. 6జీబీ+64జీబీ వేరియంట్ స్మార్ట్‌ఫోన్‌ను రూ.14,999 ధరకే కొనొచ్చు. పోకో ఎక్స్3 స్పెసిఫికేషన్స్ చూస్తే 120Hz రిఫ్రెష్ రేట్‌తో 6.67 అంగుళాల పుల్ హెచ్‌డీ+ ఫుల్ స్క్రీన్ డిస్‌ప్లే ఉంది. క్వాల్కమ్ స్నాప్‌డ్రాగన్ 732జీ ప్రాసెసర్‌తో పనిచేస్తుంది.

పోకో ఎక్స్3 రియర్ కెమెరా వివరాలు చూస్తే 64 మెగాపిక్సెల్ Sony IMX 682 సెన్సార్ + 13 (అల్ట్రావైడ్)+2 (మ్యాక్రో)+2 (డెప్త్) మెగాపిక్సెల్ క్వాడ్ కెమెరా ఉండటం విశేషం. 20 మెగాపిక్సెల్ ఫ్రంట్ కెమెరా ఉంది. బ్యాటరీ 6000ఎంఏహెచ్. 33వాట్ ఫాస్ట్ ఛార్జింగ్ సపోర్ట్ చేస్తుంది. షాడో గ్రే, కోబాల్ట్ బ్లూ కలర్స్‌లో లభిస్తుంది.

Realme 7

రియల్‌మీ 7 స్మార్ట్‌ఫోన్ 6జీబీ+64జీబీ వేరియంట్ ధర రూ.14,999. రియల్‌మీ 7 స్పెసిఫికేషన్స్ చూస్తే 6.5 అంగుళాల ఫుల్ హెచ్‌డీ+ డిస్‌ప్లే ఉంది. మీడియాటెక్ హీలియో జీ95 ప్రాసెసర్‌తో పనిచేస్తుంది. రియర్ కెమెరా 64 మెగాపిక్సెల్ క్వాడ్ కెమెరా కాగా, ఫ్రంట్ కెమెరా 16 మెగాపిక్సెల్.

రియల్‌మీ 7 బ్యాటరీ కెపాసిటీ 5000ఎంఏహెచ్. 30వాట్ డార్ట్ ఛార్జ్ సపోర్ట్ చేస్తుంది. కేవలం 64 నిమిషాల్లో 0 నుంచి 100 శాతం ఛార్జ్ చేయొచ్చు. మిస్ట్ వైట్, మిస్ట్ బ్లూ కలర్స్‌లో లభిస్తుంది.

Redmi Note 9 Pro Max

రెడ్‌‌మీ నోట్ 9 ప్రో మ్యాక్స్ ధర భారీగా తగ్గింది. 6జీబీ+64జీబీ వేరియంట్ ధర రూ.14,999. రెడ్‌‌మీ నోట్ 9 ప్రో మ్యాక్స్ స్పెసిఫికేషన్స్ చూస్తే 6.67 అంగుళాల ఫుల్ హెచ్‌డీ+ డిస్‌ప్లే ఉంటుంది. రెడ్‌‌మీ నోట్ 9 ప్రో మ్యాక్స్ క్వాల్కమ్ స్నాప్‌డ్రాగన్ 720జీ ప్రాసెసర్‌తో పనిచేస్తుంది.

రెడ్‌‌మీ నోట్ 9 ప్రో మ్యాక్స్ స్మార్ట్‌ఫోన్‌లో 64 మెగాపిక్సెల్ ప్రైమరీ + 8 వైడ్ యాంగిల్ + 5 మ్యాక్రో + 2 డెప్త్ సెన్సార్‌తో రియర్ కెమెరా సెటప్ ఉండగా 32 మెగాపిక్సెల్ ఇన్ డిస్‌ప్లే ఫ్రంట్ కెమెరా ఉంది. బ్యాటరీ 5020 ఎంఏహెచ్. 33వాట్ ఫాస్ట్ ఛార్జింగ్ సపోర్ట్ చేస్తుంది. అరోరా బ్లూ, గ్లేసియర్ వైట్, ఇంటర్‌స్టెల్లార్ బ్లాక్ కలర్స్‌లో లభిస్తుంది.

Poco M2 Pro

పోకో ఎం2 ప్రో స్మార్ట్‌ఫోన్ 4జీబీ+64జీబీ వేరియంట్ ధర రూ.12,999 కాగా, 6జీబీ+64జీబీ వేరియంట్ ధర రూ.13,999. పోకో ఎం2 ప్రో స్పెసిఫికేషన్స్ చూస్తే 6.67 అంగుళాల ఫుల్ హెచ్‌డీ+ డిస్‌ప్లే ఉంది.

పోకో ఎం2 ప్రో స్మార్ట్‌ఫోన్‌లో రియర్ కెమెరా 48+8+5+2 మెగాపిక్సెల్ కాగా, ఫ్రంట్ కెమెరా 16 మెగాపిక్సెల్. బ్యాటరీ 5,000ఎంఏహెచ్. 33వాట్ ఫాస్ట్ ఛార్జింగ్ సపోర్ట్ చేస్తుంది. పోకో ఎం2 ప్రో ఆండ్రాయిడ్ 10 ఆపరేటింగ్ సిస్టమ్‌తో పనిచేస్తుంది. ఔట్ ఆఫ్ ది బ్లూ, గ్రీన్ అండ్ గ్రీనర్, టూ షేడ్స్ ఆఫ్ బ్లాక్ కలర్స్‌లో లభిస్తుంది.

Poco X2

పోకో ఎక్స్2 స్మార్ట్‌ఫోన్ 6జీబీ+64జీబీ వేరియంట్ ధర రూ.14,999. పోకో ఎక్స్2 స్పెసిఫికేషన్స్ చూస్తే 6.67 అంగుళాల డిస్‌ప్లే ఉంది. క్వాల్కమ్ స్నాప్‌డ్రాగన్ 730జీ ప్రాసెసర్‌తో పనిచేస్తుంది. పోకో ఎక్స్2 స్మార్ట్‌ఫోన్ రియర్ కెమెరా 64+8+2+2 మెగాపిక్సెల్ కాగా, ఫ్రంట్ కెమెరా 20+2 మెగాపిక్సెల్.

పోకో ఎక్స్2 స్మార్ట్‌ఫోన్‌లో 4,500 ఎంఏహెచ్ భారీ బ్యాటరీ ఉంది. ఆండ్రాయిడ్ 10 + ఎంఐయూఐ 11 ఆపరేటింగ్ సిస్టమ్‌తో పనిచేస్తుంది. మ్యాట్రిక్స్ పర్పుల్, ఫీనిక్స్ రెడ్, అట్లాంటిస్ బ్లూ కలర్స్‌లో లభిస్తుంది.

Nokia 5.3

నోకియా 5.3 స్మార్ట్‌ఫోన్ 4జీబీ+64జీబీ వేరియంట్ ధర రూ.11,998. నోకియా 5.3 స్పెసిఫికేషన్స్ చూస్తే 6.55 అంగుళాల హెచ్‌డీ+ డిస్‌ప్లే ఉంది. స్నాప్‌డ్రాగన్ 665 ప్రాసెసర్‌తో పనిచేస్తుంది. రియర్ కెమెరా 13+2+5+2 మెగాపిక్సెల్ కాగా ఫ్రంట్ కెమెరా 8 మెగాపిక్సెల్.

నోకియా 5.3 బ్యాటరీ 4000ఎంఏహెచ్. ఆండ్రాయిడ్ 10 ఆపరేటింగ్ సిస్టమ్‌తో పనిచేస్తుంది. ఇది ఆండ్రాయిడ్ వన్ స్మార్ట్‌ఫోన్. అంటే ఇందులో గూగుల్ యాప్స్ తప్ప ఇతర ఇన్ బిల్ట్ యాప్స్ ఏవీ ఉండవు. డ్యూయెల్ సిమ్+ఎస్‌డీ కార్డ్ సపోర్ట్ చేస్తుంది. నోకియా 5.3 స్మార్ట్‌ఫోన్ చార్‌కోల్, సియాన్ కలర్స్‌లో లభిస్తుంది.

Samsung Galaxy A21S

సాంసంగ్ గెలాక్సీ ఏ21ఎస్ 4జీబీ+64జీబీ వేరియంట్ ధర రూ.14,999. సాంసంగ్ గెలాక్సీ ఏ21ఎస్ స్పెసిఫికేషన్స్ చూస్తే 6.5 అంగుళాల హెచ్‌డీ+ ఇన్ఫినిటీ ఓ డిస్‌ప్లే ఉంది. ఆక్టాకోర్ ఎక్సినోస్ 850 ప్రాసెసర్‌తో పనిచేస్తుంది.

సాంసంగ్ గెలాక్సీ ఏ21ఎస్ రియర్ కెమెరా 48+8+2+2 మెగాపిక్సెల్ కాగా, ఫ్రంట్ కెమెరా 13 మెగాపిక్సెల్. సాంసంగ్ గెలాక్సీ ఏ21ఎస్ బ్యాటరీ 5,000ఎంఏహెచ్. బ్లాక్, బ్లూ, వైట్ కలర్స్‌లో కొనొచ్చు.

Realme 6

రియల్‌మీ 6 స్మార్ట్‌ఫోన్ 6జీబీ+64జీబీ వేరియంట్ ధర రూ.14,999. రియల్‌మీ 6 స్పెసిఫికేషన్స్ చూస్తే 6.5 అంగుళాల ఫుల్ హెచ్‌డీ+ డిస్‌ప్లే 90Hz రిఫ్రెష్ రేట్‌తో ఉండటం విశేషం. రియల్‌మీ 6 మీడియాటెక్ హీలియో జీ90టీ ప్రాసెసర్‌తో పనిచేస్తుంది. రియల్‌మీ 6 రియర్ కెమెరా 64+8+2+2 మెగాపిక్సెల్ కాగా, ఫ్రంట్ కెమెరా 16 మెగాపిక్సెల్.

రియల్‌మీ 6 బ్యాటరీ 4,300 ఎంఏహెచ్. 30వాట్ ఫాస్ట్ ఛార్జింగ్ సపోర్ట్ చేస్తుంది. రియల్‌మీ 6 ఆండ్రాయిడ్ 10+రియల్‌మీ యూఐ ఆపరేటింగ్ సిస్టమ్‌తో పనిచేస్తుంది. రియల్‌మీ 6 డ్యూయెల్ సిమ్+మైక్రో ఎస్డీ స్లాట్ సపోర్ట్‌తో ఉంటుంది. రియల్‌మీ 6 స్మార్ట్‌ఫోన్ కోమెట్ బ్లూ, కోమెట్ వైట్ కలర్స్‌లో లభిస్తుంది.

Oppo A9 2020

ఒప్పో ఏ9 2020 స్మార్ట్‌ఫోన్ 4జీబీ+128జీబీ వేరియంట్ ధర రూ.14,990. ఒప్పో ఏ9 2020 స్పెసిఫికేషన్స్ చూస్తే 6.5 అంగుళాల వాటర్ డ్రాప్ నాచ్ డిస్‌ప్లే ఉంది. స్నాప్‌డ్రాగన్ 665 ప్రాసెసర్‌తో పనిచేస్తుంది.

ఒప్పో ఏ9 2020 స్మార్ట్‌ఫోన్‌లో 48+8+2+2 మెగాపిక్సెల్ రియర్ కెమెరా, 16 మగాపిక్సెల్ సెల్ఫీ కెమెరా ఉన్నాయి. 5,000 ఎంఏహెచ్ బ్యాటరీ ఉంది.